يابانيات

يابانيات

عايزة اكتب بوست عن البيوت والزلازل
بس محتاجين صور ولسة عايزة اصور
دا بالنسبة للبيوت طبعا
الزلالزل الحمد لله بقالنا فترة مش سامعين منها حاجة

بس فى كذا حاجة لفتوا نظرى خلونى افكر اكتب يابانيات عقبال ما اصور
هى مش بس تخص اليابان ممكن تكون فى بلاد تانية
بس انا بتكلم عن حاجات انا شفتها وشدت انتباهى هنا

يابانيات 1

راجل محترم بياخد مرتب محترم يكفى اسرتين تلاتة اربعة فى بلدنا
واقف وماسك مقص وبيحلق لكلب قاعد على مخدة ريش نعام
كوافير للكلاب باديكير ومانيكير ومجلات للتسلية

اوكى يربوا كلاب وقطط هم حريين
ينزلوا من بيتهم مخصوص عشان يمشوهم ويرفهوا عنهم
مقلناش حاجة

يمشوا وراهم فى الشارع بكيس القمامة بتاع الكلب ويقفوا عشان الكلب واقف
ويجروا لانة حب يجرى عادى برضو سومة بتحب تتفرج عليهم

يبقى ليهم سرير شبة سرير البيبيهات وغطاء والعاب وهدوم وكدا ماشى
هم الناس فاضية وعايزة تتسلى

بس مش قادرة استوعب حد شغلتة حلاق كلاب دى

...........................................

يابانيات 2

شاب وشابة كدا عندهم يمكن 19 او 20 سنة
نازلين يعملوا شوبينج مع بعض وماسكين ايد بعض
وبالايد التانة كل واحد فى ايدة باسكت يعملوا فيها شوبينج
كل واحد لوحدة بيشترى ويحاسب ويشيل حاجاتة كمان

ايوة فاهمة ان كل واحد فيهم لية منحة او معاه فلوس او بيشتغل لوحدة وبيصرف على نفسة
وعادى ايجار البيت يدفعوه مع بعض برضو هم ثقافتهم كدا
بس يعنى هم ميعرفوش اى حاجة عن الشهامة دى
يعنى اية ست تشيل حاجات والراجل ماشى جنبها كدا

بس الامانة هو بيبقى ماسك ايدها برضو :)

...........................................

يابانيات 3
يعتقد اليابانيون أن أرواح من انتقلوا الى العالم الاخر
تعود لزيارة بيوتها في عيد الموتى

اعرف ان فى اجازة الكريسماس
واعرف الجولدين ويك وهو اسبوع اجازة عادة اليابانين بيسافروا فية
او كل واحد بيرجع بلدة لو هو فى محافظة غير المحافظة بتاعتة ودا فى شهر 5
افهم ان فى عيد الربيع وعيد الساكورا حتى

بس مفهمش ان فى عيد للموتى
ربنا يرحم كل المسلمين الاحياء منهم والاموات
هم السابقون ونحن اللاحقون

بس احنا بنروح نقراء قراءان نحط وردة ومش فى عيد الموتى فى يوم عادى من اى ايام الاسبوع
بس يوم محدد واجازة عشان الموتى دى مش فهماها
...........................................

يابانيات 4

حد ممكن ياكل بيتزا بالسى فود
او مكرونة بالسى فود ماشى عادى
بس محدش قالى ان السى فود دا ممكن يكون فيه اخطابوط ونص مستوى كمان
او يمكن هو طعمة كدا ومش بيستوى اه اصلى دوقتة ويارتنى ما دقتة
الطبق كلة اساسا كان قاتل ولو حطيتة لقطة سومة اللى بتلعب معاها تحت البيت مش هتاكلة
دى مش بتحب اللبن اصلا :)

عامة الاكل اليابانى كله غريب وفيه مكسات غريبة
يعنى ممكن تلاقى بيتزا بالبتنجان عادى
او بيتزا وحدة نصها تونة والنص التانى لحمة عادى
ممكن تلاقى صلصة طماطم مضاف اليها شربة لسان عصفور
الرز اللى بدون ملح ومعجن فى بعضة ومعمول فى حلة الرز
دا مخصوص عشان يتاكل بالهاشى اللى هى العصاية اليابانى
دى دى الحاجات اللى قدر افهم معالمها
فى حاجة كمان مكونة من مبشور البصل والجزر والكرنب واى حاجة تحب تضيفها
جمبرى سمك سوبيا اى حاجة وبعدين بتتقلى زى القرنبيط كدا
هو الغريب اللى في الاكلة دى انها مسكرة
فى حاجات تانية ميبنش هى مكونة من اية اصلا
ودى بقى مش بفهمها زى اللى فى الصورة دول

دعائى ومن بعده اعتذارى

بدموع من نار تحرقنى ابكى عليها
ربما أسأل الله تعالى بقلب صادق ان يرحمها
و ينزلها منزل الشهداء ويغفر لها
ويتجاوز عنها

ولكنى ايضا ابكى نفسى والومها
لا اسأل اين هم المسؤلين
ولا اسأل هل اعتذر هذا ام ظهر ذاك

اسأل نفسى قبل ان اسأل احد
ماذا فعلت لكى لا يكون حال المسلمين هكذا
ماذا فعلت لكى لا تتألم هى و طفلها
ماذا فعلت لكى لا يعيش هذا الطفل بمشهد موت امة امامة بهذة القسوة

لما كل هذا العنف ولما تجاهنا نحن فقط
هل لاننا ضعفاء ام لانهم اعتادوا اننا دائما صامتون
وعندما تحدثت قتلوها
ليس هو فقط القاتل وانما كل المجتمع الغير مسلم
ولن ترضى عنك اليهود ولا النصارى حتى تتبع ملتهم

احترم ديانات الاخرين ومعتقداتهم
ولكنى لا احترم قتلهم لنا دون ذنب
لا احترم تفكيرهم الارهابى
نعم وبعدما قتلت وهى تأخذ حقها
من هو الارهابى الان ؟

بأعلى صوتى
وان استطعت ان اقولها بكل اللغات
دافعت عن حقها فقتلت وبقسوة
من هو الارهابى الان ؟
هل حقا تشعرون بالذنب والخجل لا اصدق
لا اصدق ان امثالكم يشعرون
لا اعتد يوم ان اهين شخص ما او اجرحة
ولكنى امامكم فعلت وبقسوة تعلمتها منكم من استهانتكم وظلمكم

ابكتنى وبشدة قد اكون يوم مكانها فلا يبعد عنى ما حدث لها كثيرا
ربما لهذا السبب المتنى وشعرت بما حدث لها
ولكن يقينى هو شعورى بالذنب
احمل نفسى المسؤلية قبل ان احملها لكم
ولكل مسلم شعر بالالم ورأى صورة د / مروة تسأله
ماذا فعلت لكى تنصر دينى ودينك؟
ماذا فعلت لكى ترفع راية الاسلام
وتعلم البشر اجمعين انه دين حق تسامح ورحمة ؟
ماذا فعلت لكى يكون لنا ثمن ولا يهدر دمك مثلما هدر دمى ودم الكثيرون ؟

د / مروة ربنا يرحمك و يعفو عنك ويغفر لك
و يجعل قبرك روضة من رياض الجنة
دعائى ومن بعده اعتذارى وندمى لما ال الية حالنا
وما كان سبب فيما حدث لك