CLICK HERE FOR BLOGGER TEMPLATES AND MYSPACE LAYOUTS

الأربعاء، 8 أبريل 2009

الساكورا , 桜

الساكورا




شجرة بها الكثير من الازهار والقليل من اوراق الشجر وربما منعدمة الاوراق
طول السنة الشجرة جافة مفيهاش حتى ورقة شجر


لكن مع بداية شهر فبراير بتبتدى ظهور الساكورا
ولغاية منتصف او اخر شهر ابريل تكون اختفت تمام


الساكورا فى منها انواع كتير واحيانا الوان منها الابيض الصافى ومنها الوردى
واليابان هى الموطن الاصلى للساكورا
واليابانين بيهتموا جدا بالشجرة دى
و بيعملوا حفلة شواء تحت الساكورا
فى الوقت دا وبتسمى بالهانامى hanami



وفى موسم الساكورا اللى هو غالبا من نص مارس لنص ابريل
بتبقى فيه الساكورا ظاهرة والشوارع مغطاه بزهور الساكورا
لانهم بيزرعوا من فى كل مكان وبكميات كبيرة جدا


زهرة الساكورا بتقعد 10 ايام وربم اكثر او اقل
حسب المطر والرياح
وكمان هى اصلا مدة ظهورها قليلة

الساكورا رمز من رموز اليابان
استمتع كثيرا بالمرور بين صفين متوازيين من اشجار الساكورا
واوراقها منثورة تحت قدمى
ليس لها رائحة ولكنها جميلة المنظر


ملحوظة / كل الصور اللى فى البوست بعدستى
ما عادا اول صورة




32 التعليقات:

MǿиY El-Shreef يقول...

الللللللله

كل مره تحسرينا اكتر

ايه الجمال ده

صوره الزهره بتاعتها تحفه اوووووووي

ياحظك يالولو والله

بسم الله ماشاء الله طبعا انا مش بقر ^_*

ترجعيلنا بالسلامه

Lady E يقول...

الزهور شكلها جميل اوي بجد

شكرا عالبوست الجميل يا قمرايا

احساس طفلة محبة للرومانسية بس واقعية يقول...

مونى

يا حظى حقيقى بيكم يا قمر

عايزة اقولك الشجرة منظرها تحفة

ولانها فى كل مكان بتخلى البلد كلها

عبارة عن شجرة كبيرة بتوقع ورق زهور

مش قصدى اشوقكم ولا احمسكم ولا اى حاجة

:)

دمتى بود

احساس طفلة محبة للرومانسية بس واقعية يقول...

جدا يا ليدى

يارب يكون البوست عجبك

دمتى سالمة

Nostor Azzuro يقول...

اليابان بلد جميل
بس مصر أم الدنيا
واسألك سؤال لو عرفتيه
تكسبى 100 ين :

مين هو أبو الدنيا
اللى اتجوز مصر وخلفوا مع
بعض باقى الدنيا؟؟؟

حسام غانم يقول...

عالم رايقة والله

بيعملوا حفلة شواء تحت الساكورا

يبدو إن اليابانيين دول شعب دماغ فعلا

Mohamed Nagah يقول...

مدونه رائعه

بالتوفيق دائما

_ دعوه خاصه الى زيارة منتدى البيت العربى للتصميم

منتدى اكثر من رائع
http://mohamed-nagah.com/vb/

وردة يقول...

ماشاء الله
ايه الجمال ده
احنا كده حنحسدك
يا اما تبعتي حبة ورد من عندك
ربنا يكرمك
سلام

غير معرف يقول...

منظرها يجنن

وعدستك جميلة جدا

تسلم ايدك

عمك ياض يقول...

ماشاء الله حلوه اوي

بنت مصر يقول...

حلوة اوي وانتي مصوراها بطريقة جميلة

فنااانه من يومك يا احساس طفلة

:)

بحبك في الله

الدرعمي يقول...

السلام عليكم ورحمة الله وبركاته ; أولا عاوز أقولك إني عملت جولة على كل البوستات المنشورة المدونة مذهلة جنااااان ، وبالنسبة للاغتراب فهو صعب بس كويس إنه في بلد جميلة زي اليابان احمدي ربنا إنك مش في دولة متخلفة ولا بتكره المسلمين ،، ونرجع ونقول ربنا يرجعك بألف سلامة @ تحيتي @

وحي القلم يقول...

لو لم أكن مصريا لوددت أن أكون يابانيا
تقبلي تحياتي

أنا إللى أستاهل يقول...

حلوة اوى المعلومات دية

ELMASRYA - MRS WRITER يقول...

سبحان الله في عظمته وروعة مايخلقه لنا

معلومة الساكورا دي تححححفة

أول صورة جميلة جدا وتصويرك للورود عن قرب جميلة برضة

عجبوني الاتنين وهحطهم تباعا في خلفية الكومبيوتر عندي

شكرا على المعلومة الوردية دي

لجين أبو الدهب يقول...

يابو عدسة انتى .. يابو عدسة D:

بصى بقى مش عايزة اقولك انا مرتبطة بالشجرة دى اد ايه ..

اصل انا اختصاص كارتونات يابانية فعلى طول الشجرة دى بتظهر فى الكارتون ..

فارتبطت بيها جدا خاصة لما اورقها بتطير كده ..

ولونها اصلا تحفة ..

انا حبيت البوست ده جدا بجدددددد.. من حبى للشجرة ..

تسلمى لنا وتسلم لنا عدستك ياجمل ..

بحبك ..

احساس طفلة محبة للرومانسية بس واقعية يقول...

Nostor Azzuro

اليابان بلد جميل اتفق معاك
مصر ام الدنيا اتفق معاك

بس اديك انا 100 ين على ال 100 بتاعتك وتقولى الاجابة :)

نورتنى

احساس طفلة محبة للرومانسية بس واقعية يقول...

حسام فعلا هم دماغ

بيشتغلوا بذمة وضمير يغيظ
ووقت الاجازة فى الويك اند كله بيخرج
وبيستمتعوا بوقتهم لابعد الحدود

دمت بكل خير

احساس طفلة محبة للرومانسية بس واقعية يقول...

محمد

شكرا ليك

فعلا المنتدى جميل لاى حد ليه فى التصميم ربنا يوفقكم

نورتنى

احساس طفلة محبة للرومانسية بس واقعية يقول...

وردة

تعرفى ان اليابان اهدت امريكا شجر ساكورا بعد الحرب العالمية الثانية
وكان الطيارين اليابانين بيأخدوها رمز على طائرتهم
:)

ممكن اقنعهم يهدو مصر شوية شجر
بس قوليلى متأكدة انهم هيستخدموا بنفس الشكل وهيقدر جمالها فى مصر

للاسف لا

دمتى سالمة

احساس طفلة محبة للرومانسية بس واقعية يقول...

نورارة

شكرا ليك

مرورك بيسعدنى

احساس طفلة محبة للرومانسية بس واقعية يقول...

عمك ياض

روعة اخر حاجة الشجرة دى

وممتعة جدا لما تمشى تحتها

شكرا ليك

احساس طفلة محبة للرومانسية بس واقعية يقول...

بنت مصر

شفتى تصويرى

تحفة تحفة طبعا مش مبين شكل الشجرة اصلا

:)

ربنا يخليك ليا يا ايمى

بحبك كتير جدا فى الله

احساس طفلة محبة للرومانسية بس واقعية يقول...

درعمى

شكرا ليك

سعيدة ان المدونة عجبتك

وطبعا بحمد ربنا انها جت على اليابان

مفيش تميز عنصرى او طبقى

حتى متقدرش تفرق بين شخص غنى او متوسط الحال وشخص فقير

محجب او متدين سواء الاسلام او المسيحية او مفيش ديانة اصلا

بلد تقدر الشخص لشخصة واحترامة للاخرين ومحدش بيتدخل فى حياة حد

شكرا ليك
مورتنى

احساس طفلة محبة للرومانسية بس واقعية يقول...

مصعب

ضحكت بجد تعليقك جميل جدا

هو دا بالضبط اللى انا بقولة ومحدش سامعنى

:)

شكرا ليك

احساس طفلة محبة للرومانسية بس واقعية يقول...

انت اللى تستاهل
:)

طيب كويس ان الكلام اللى بقولة عجبك وطلع مفيد

نورتنى

احساس طفلة محبة للرومانسية بس واقعية يقول...

مصرية

حمد لله على سلامتك
يارب تكونى بخير

عايزة اقولك انا حطيت اللى انا مش مصوراها خلفية للجهاز :D

هاهاهاهاهاهاها

اصلى لقتها احلى انا لسة هاوية تصوير زى الكتابة كدا

بحب مرورك وتعليقك
شكرا ليك

احساس طفلة محبة للرومانسية بس واقعية يقول...

لوجى الرقيقة

انا هجبلك شجرة معايا وانا جاية

انتى هتقدرى الجمال والرقة بتاعت الشجرة دى

كدا يبقى شجرتين واحدة لوردة وواحدة ليك

هاهاهاهاهاهاها :)

دمتى رقيقة دائما يا قمر

كفايـة طيبـة يقول...

حلوة اوى ماشاء الله

سبحان الله فعلا :)

هو انتى هتيجي امتى من عندك ؟

احساس طفلة محبة للرومانسية بس واقعية يقول...

كفاية طيبة

انا كتأكدة انك لو مشيتى تحت الشجرة فى شهر اربعة فى يوم حر وهى مضللة الشارع وعاملة ممر فية نسمة هواء جميلة والورد بيطير حولاكى هتستمتعى بالموقف جدا وبرقتة وجمالة

استنينى بعد سنة و نص قابلة للزيادة
اعااااااااااااااااا

نورتينى

GiGi world يقول...

بجد عسوله واول مره اعرفك بس بجد شخصيه جميلهوطلعتى مفاجاه ابقى سلميلى على اليابان

احساس طفلة محبة للرومانسية بس واقعية يقول...

جيجي

شكرا يا قمر

دا بس من ذوقك

وانا كمان سعيدة انى اعرفك

اوعدك اول ما اشوف اليابان هسلملك عليها

مش انا فيها اهو بس مش بشوفها غير كل فين وفين

:)

شكرا ليك
نورتينى