ستيتة اللى عدتنى
كح كح كح كح كح كح كح كح كح كح
كح اية دا انا مش بكح اصلا
اتشى اتشى اتشو تشى اتشو
ايوة كدا صح
وستيتة هى اللى عدتنى محدش غيرها فى ارض البلوج كان عند برد اليومين اللى فاتو دول
كدا برضو يا ستوتة
هاهاهاهاهاهاهاهاهاهاهاهاهاهاهاهاها
عايزة اعتذر عشان اتأخرت فى الرد على التعليقات فى بوست اللى فات وكمان فى احساس طفلة
بس ربنا يبعد عنكم الانفلونزا فى وسط الانفلوزانات الخطيرة اللى حولينا دى
وان شاء الله النهاردة هنزل بوست جديد هنا وهناك
نيجى للبوست اللى هنا
المبنى وقع خلاص
كح اية دا انا مش بكح اصلا
اتشى اتشى اتشو تشى اتشو
ايوة كدا صح
وستيتة هى اللى عدتنى محدش غيرها فى ارض البلوج كان عند برد اليومين اللى فاتو دول
كدا برضو يا ستوتة
هاهاهاهاهاهاهاهاهاهاهاهاهاهاهاهاها
عايزة اعتذر عشان اتأخرت فى الرد على التعليقات فى بوست اللى فات وكمان فى احساس طفلة
بس ربنا يبعد عنكم الانفلونزا فى وسط الانفلوزانات الخطيرة اللى حولينا دى
وان شاء الله النهاردة هنزل بوست جديد هنا وهناك
نيجى للبوست اللى هنا
المبنى وقع خلاص
مرة كنت قاعدة انا و سمسم وبنتبادل المعلومات
وطبعا كالعادة انا بقول المعلومة وهو بيكملهالى ويدينى عليها معلومة هدية
فجة الكلام عن اليابانين وازاى اتعاملوا مع المواد الكيماوية واهتموا بصحة الشعب
لانهم اكتشفوا بعد الحرب العالمية واللى حصلهم فيها
ان عندهم تشوهات فى العظام وامراض غريبة ابتدت تظهر
وازاى المصانع واصحابها تعاونوا مع الحكومة
عشان فاهمين اضرار التصنيع والمواد الكيماوية
راح سمسم قالى ان فى الجامعة هنا فى معامل الكمياء فى زى خزانات
بتترمى فيها نتائج التجارب والمواد الكيماوية اللى مش هتستخدم تانى
وبعد ما الخزانات تتملى بيأخدوها على مكان قريب من الجامعة
بتعالج فية المواد دى
بعد كدا معرفش بيعملوا فيها اية بس المهم انها مش بتترمى فى الماية عادى ونرجع نشربها تانى
ايوة ما دا اللى بيحصل عندنا فى مصر فى ثانوى او فى الجامعة
اى مواد اضافية مش ليها استخدام بتترمى فى الحوض مع الماية
وطبعا عشان اعرف ضررها قد اية سمسم صدمنى
وقالى ان مرة مبنى الكمياء فى الكلية فى مصر من مكان الصرف وقع مستحملش
يعنى الحجارة مستحملتش اللى احنا بنشربة ليل ونهار
وابتدى يطلع على الشعب وانتشرت الامراض
اللى كانت من 5 او 10 سنين منعرفش عنها حاجة
يعنى هنخسر اية لما نستخدم حاجة تترمى فيها المواد الكيماوية دى
وبعدها تعالج او حتى تترمى فى اى مكان الصحراء عندنا واسعة
معرفش ممكن تضرنا وهى فى الصحراء ولا لا
بس نشوفلها اى مكان هنخسراية يعنى شوية وقت وتفكير
وفلوس اقل من اللى ادفعت فى فرح هيفاء وهبى
بس هنكسب كتير
هنكسب صحتنا وصحة اولادنا
هنكسب تعود على النظام والنظافة
هنكون بنقدر قيمة الانسان
واكيد دا هينعكس على تفكير الشعب
ملحوظة / طبعا كنت عايزة اجبلكم صور الخزانات
بس انا مش بروح الجامعة مع انها مفتوحة لاى حد
:)
وملهاش ابواب ولا حدود تحسها جزء من البلد
بس انا كمان معرفش مبنى معمل الكمياء فين
فان شاء الله يعنى متفقدوش الامل
لما سمسم يكون مش مشغول وعندة وقت هيصورها
وهبقى اضيفها ان شاء الله
تحديث / الصورة بتاعت الخزان جت بس شكلها كدا من على النت
مش مشكلة المهم ان الخزانات صورتها اهى
يعنى عادية مش اعجاز ولا مستحيل ولا حاجة
ملحوظة / طبعا كنت عايزة اجبلكم صور الخزانات
بس انا مش بروح الجامعة مع انها مفتوحة لاى حد
:)
وملهاش ابواب ولا حدود تحسها جزء من البلد
بس انا كمان معرفش مبنى معمل الكمياء فين
فان شاء الله يعنى متفقدوش الامل
لما سمسم يكون مش مشغول وعندة وقت هيصورها
وهبقى اضيفها ان شاء الله
تحديث / الصورة بتاعت الخزان جت بس شكلها كدا من على النت
مش مشكلة المهم ان الخزانات صورتها اهى
يعنى عادية مش اعجاز ولا مستحيل ولا حاجة
33 التعليقات:
اووووووول تعليق يا لولو
الف لا بأس عليكي ياروح قلبي
ان شالله الي يكرهوكي وان شاء الله تقومي كويسه وبخير
والنبي امانه عليكي ماتقارنيش بين هنا وهناك عشان المرارة بس :D
انا قربت اكره البلد عااااااااااا
المهم مع اني مش عارفة اذا كنت بقيت اول تعليق ولا لاء
سلامتك ياقمر من البرد
خدي كده حاجة سخونة وابعدي عن البنت شوية
علشان متتعديش
ههههههههه
وبعدين معامل ايه بس يابنتي
هو احنا اساسا في مصر عندنا بحث علمي ولا تجارب
الله يسمحك
انتي كده بتشتمينا بالياباني
وانا مش حرد
بس بردو
الف سلامة ياقمر
وبلاش تروحي لستيتة اليومين دووول
سلام
سلامتك الف سلامه يا احساس طفلة
وافكار جميلة بس لا حياة لمن تنادي يا اختي
الف سلامة ... يارب تكونى تمام دلوقتى ياحبيبي :)
الجهل فى مصر بيدمر حاجات كتيرة اوى
زي بالضبط مواضيع الانفلونزا ده
والطمع والجهل من اصحاب المزارع
محدش عايز حاجة غير التوفير او المكسب بأى طريقة
حتى لو داس على غيره ..
ومش متخيل انه هو ممكن يكون اول المصابين او الضحايا
ربنا يحفظك يارب وكل الناس الكويسة من الناس الوحشة D:
عايزة العب مع سومة بقي يلا
انا مستنية اهو
السلام عليكم
الف سلامه عليكى وان شاء الله تقومى با السلامه
وزى ما مونى قالت بلاش تقارنى علشان بتعقدينا :D
سلامتك الف سلامه
شفاكي الله وعافاكي
بس حكاية الخزنات ديه حكايه حلوه ومش مكلفه بالدرجه اللي تمنع
بس دايما اسئل ليه احنا كده
مع ان الصح مفيش اسهل ولا احسن منه
مين اللي في مصلحته نفضل كده
هل احنا عندنا كسل
هل احنا مكبرين دماغنا اوي كده
ولا كل واحد بيقول يلا نفسي وفقدنا الامل اننا نبقي بلد كبيره ومحترمه زي الصين كده
تحياتي علي البوست اللي كتر الاسئله ععن حالنا اكتر من الاجابه عليه
نونو حبيبتي سلامتك
وموضوعك طبعا مهم جدا
بتمنى لبلدي تكون أرقى من اليابان ومن كل بلاد العالم
ربنا يشفي ضمائر الناس
خالص تحياتي
أديها ليمون واسبرين
سلامتك ان شا الله العدوين
اللي على بلدنا متآمرين
يجيبوها لمس أكتاف في سنتين
صرف كيماوي وصناعي
ولصحة المصري محدش مراعي
وقلت انا مش داخلة هنا تاني
استدرجتيني بكحة وآه ياني
الف سلامة عليكى من البرد
وخلللللى باااالك
يابنتى احنا شعب ياكل الزلط وبعدين بتتكلمى عن اننا نكسب صحتنا
ومين قالك انهم عاوزينا نكسب صحتنا
دى خطة مدبرة باحكام علشان يقللو التعداد
بس احنا صامدين ما بنموتش
ياللا امرنا لله
ما تتاخريش علينا
طمنينا عليكى
تحياتى
معلش انا مش هقرا حاجه دلوقت اجيب كمامه الاول واجى اقرا
تحياتى
ايون كده الواحد يقرا وهو قلبه مطمن على نفسه
العمر مش بعزقه
سلمتك يا استاذه
ان شاء الله يكون برد عادى من بتعنا
الى فيه شويه عطس وشويه رشح وخلاص
شفاك الله وعفاكى
متعمليش بوست تانى الا لما تخفى خالص
اوك ولا مش اوك
تحياتى
ماشاء الله حتى الكحه ياباني :d
سلامتك يافندم :)
بالنسبه للمعامل والامان وكده.. فانا بحس ان وجود المعامل اصلا ده رفاهيات :D
اولا الف الف سلامة عليكي من الحكه والبرد
نيجي بأه للبوست
انتي بتتكلمي عنه الفرق بين اليابااان ومصررر
هم هناك بيعملو حساب لحباة الناس أول شئ
انما في مصر آآآآخر حاجه بيفكرو فيها هي صحة البني آدمين
ألف سلامه
انا داخل اهوه وحاطط كمامه على مناخيري
هههههههه
برضه العدوى مش مضمونه اليومين دول
بالنسبه للمواد ديه طبعا الصخور متستحملهاش بس خلاص احنا اجسامنا كمصريين اتعودت عليها عشان كده ممكن تلاقي واحد مريض وعنده "نقص تيفود" لما نسبة التيفود تقل في جسمه
ههههههه
ربنا يستر علينا
الف الف سلامه
جميله المدونه تحس انك ف الجنه
من المناظر الجميله
هو ده الفرق بين بلدنا واى حته خلقها ربنا
والوضع اللى بيكون طبيعى وعادى فى اى دوله لما يتطبق عندنا بنستغرب
ابسط حاجه موضوع انفلوانزا الخنازير ربنا يعافينا
لما عملوا نظام حمايه شويه زياده قبل ما يظهر اى حاجه
الناس شكت ان يكون فيه مرض فعلا ومش بيقولوا عليه
بزمتك دى حاجه تستخبى؟
ده احنا شعب عباره عن نشرة اخبار متنقله
(:
ولا ايه رايك؟
الف سلامه عليكى ياقمر من البرد
اولا الف سلامه عليكي يا حبيبتي
ربنا يشفيكي ويعافيكي من كل سوء ومرض يا رب
خلي بالك من نفسك شويه بقي
انتي عارفه احنا عايزينك معانا وديما بخير يا جميله
ثانيا بقي تجيبها كدا تجيبيها كدا هي كدا
لو عملتي ايه ما هيغيره ولا هيعمله حاجه حتي لو جبتيهالهم معونه بردو مش هيحطوها
ربنا يلطف بينا يا بنتي ادعيلنا والنبي واحنا هندعيلك كمان
ترعلنا بالسلامه وتنوري مصر تاني
سلام يا جميله
مونى
شكرا يا قمر
الحمد لله بقيت كويسة
من عنيا انتى تأمرى انا بس هقول اللى هنا وانتوا قارنوا براحتكم
بس من غير كره للبلد احنا بنقول الفرق عشان نعرف الصح ولو بأيدنا نعملة
نورتينى
وردة
فرق شوية صغيرين عن اول تعليق
بس ارجعى من الاجازة وانا اقولك على ميعاد البوستات وتكونى اول تعليق
مع ان مرورك فى اى مدونة واى وقت يسعدنى جدا
ابعد عن سومة ازاى بس
دا انا وشى فى وشها وهى اصلا اللى عدتنى
هاهاهاهاهاهاها
دمتى سالمة
ليدى
الله يسلمك
الحكاية سهلة
بس مش عارفة التنفيذ لية عندنا دائما صعب
شكرا ليك يا قمر
محدش عايز حاجة غير التوفير او المكسب بأى طريقة
حتى لو داس على غيره
ايوة هو دا الكبار بيكلوا بعض والصغيرين كمان
ومحدش بيهتم بحد مع ان فى الاخر كله مصاب
ربنا يسترها
وبعدين طيب نتكلم وطمنينى عليك الاول هتلعبى انتى وسومة وتسبونى كدا
:)
دمتى بكل خير
احبك فى الله
محمود
الله يسلمك زى ما قلت لمونى كدا بالضبط انا هقول وانتوا قارنوا
واللهى مش هدفى تعقيدكم خالص
متفهمونيش صح مش معنى انى اتعقدت اعقدكم يعنى
هاهاهاهاهاهاهاها
:)
حواء
بس دايما اسئل ليه احنا كده
مع ان الصح مفيش اسهل ولا احسن منه
نفس الاسئلة عندى وهى اللى كنت عايزة اشارك اجابتها معاكم
بس الظاهر ان كلنا محتاجين اجابة
او عارفين الاجابة وبنسأل على اساسها
ربنا يصلح الحال
نورتينى
سعيدة بمتابعتك
مصرية
بتمنى لبلدي تكون أرقى من اليابان ومن كل بلاد العالم
تسمحيلى اخد الشعار دا
واستخدمة فى المدونة
هو دا هدفى بالضبط
مستنية ردك
شكرا ليك
أديها ليمون واسبرين
سلامتك ان شا الله العدوين
اللي على بلدنا متآمرين
يجيبوها لمس أكتاف في سنتين
دقيقتين والللهى يا ستوتة
والصحة ضاعت خلاص نص الشعب عيان
بس لسة برضو شعب قوى وطيب فى كل حاجة
شفتى بستدرجك ازاى
اصل انتى بتنوري اى مكان تروحية يا قمر ويشرفنى ان ملكتنا الجميلة تيجى هنا واسمع رأيها ويطلع منها تعليق زى دا
احبك فى الله
رؤية
ومين قالك انهم عاوزينا نكسب صحتنا
دى خطة مدبرة باحكام علشان يقللو التعداد
ايوة واهداف تانية
بس على مين زى ما قلتى ناكل الزلط وعقولنا ناشفة محدش يقدر علينا
ربنا يخيلكى الحمد لله بخير
نورتينى
ممكن
ماشى مقدرة الظروف
هاهاهاهاهاهاهاها
عندك حق واللهى
ياريت كل مصر تعمل زيك
بس ثقافة الكمامات اصلا مش موجودة
هناك ربنا يحميكم من كل سوء
نورتنى
عمك ياض
لا لو هكح باليابانى هتسمع غريبة كله
كه كه كه كه كه كه اصل معندهمش حرف الحاء واضح كدا :)
انا واللهى بتكلم على المعامل البسيطة اللى فى ثانوى والكليات
ما هى برضو بتعمل مشاكل
شكرا ليك
ايمى
الله يسلمك يا ايمى
بس لية بقينا كدا يعنى احنا السبب ولا هم
احنا سيبنا حقنا لية
لية مش بنحاسب ولا نسال حد حقنا فين
برضو لية ولية ولية كتير
وبرضو الاجابة معروفة
ربنا يصلح الحال يا ايمى انتى اكتر حد عارفة انا نفسى مصر تبقى كويسة قد اية
دمتى بكل خير
يا صديقة الايام
احمد
هاهاهاهاهاهاهاها
انتوا كلكم بتتريقوا بس واللهى عندكم حق ياريتة حقيقة وفى استخدام للكمامات فى مصر
طبعا اجسامنا واجسام الغلابة تستحمل
دا حتى احسن ما نتعود على الحاجات النظيفة ونيجى نتعب لو شربنا شوية ماية من نهر النيل العظيم
اه واللهى انا نفسى تعبت انا كتبت البوست دا لية ؟
هاهاهاهاهاها
:)
دمت بكل خير
بيبرس
اجمل حاجة فى اليابان النظافة والنظام وجمال الطبيعة
بس الجنة بجد بناسها مش بجمال المناظر بس
لو بجد فى جنة اتمنى اعيش فيها
مفيش احلى مش شعب مصر عشان اعيش فى وسطهم
شكرا ليك
نورتنى
عاشقة
اتفق معاكى
والوضع اللى بيكون طبيعى وعادى فى اى دوله لما يتطبق عندنا بنستغرب
اى حاجة بتتعمل بدقة بنستغرب بس عشان مش متعودين على كدا
اذا مكنتش الحاجة هتوصل لكل الناس ومش هتفرق بين وزير وغفير لازم يهتموا بيها
بس لو للغفير بس يبقى وداع للدقة
ربنا يصلح حالنا
نورتينى
فتاه حالمة
لو عملتي ايه ما هيغيره ولا هيعمله حاجه حتي لو جبتيهالهم معونه بردو مش هيحطوها
اعاااااااااا لية كدا بتقوليها فى وشى منا عارفة واللهى بس يعنى مفيش اى امل حتى بالكلام والتفكير الصحيح للاقلية اللى هم احنا دا اذا كان تفكيرنا صحيح
عارفة يا فتاه بحس ان النظام والعدل والنظافة سهلين
بس معرفش لية بيجوا عندنا ويبقوا من المستحيلات ربنا يصلح الحال
منورانى بمتابعتك
شكرا ليك
إرسال تعليق