لية منعملش زيهم
النهاردة غظونى اوى
لا مش النهاردة دا على طول
هو انا مش بتغاظ منهم عشان هم مسيحيين
ولا عشان هم بيدعو لدينهم لا ابدا انا بحترم دا جدا
انا بتغاظ من كترهم ومن انهم على طول بيجولنا تقريبا كل اسبوع مرة
وعلشان اسلوبهم واحد
هقولكم من الاول وانتوا احكموا
انا قاعدة فى البيت وفى حالى والاقى جرس الباب بيرن وحد بيتكلم كلام كتير باليابانى برة
انا ارد بالكلمة الوحيدة اللى عارفاة باليابانى بتتقال فى الوقت دا
وهى هااااااااى
يعنى نعم بالعربى
هتستغبروا لما تعرفوا ان اييييييييياه بكسر الالف الاولنية يعنى لا
:)
نرجع للموضوع عشان كدا هندخل فى درس عن اللغة اليابانية وانا معرفش غير الكلمتين دول
والبس طرحة وروح افتح الباب الاقى 2
بيبشروا للمسيحية
يبتدو يتكلموا ويقولوا
كونيتى وا
ودى تحية بعد الظهر
اقول بنفاذ صبر لانى خلاص عرفت من شكلهم هم مين
كونيتى وا
يقوم واحد منهم يقولى
هل تريد ان يحل السلام فى العالم ؟
هل تريد ان تعرف ماذا سيحدث بعد الموت ؟
ماذا تعرف عن الخالق ؟
واسئلة من النوع دا بقى
اقولهم انا عارفة اجابة الاسئلة دى
يذبهلوا وكأنهم مش مصدقينى
وكأن محدش يعرفها غيرهم
يتجهلوا اللى انا قلتوا
ويطلعولى مجلة من اللى معاهم دى بس بالعربى ويدوهانى
يكون فيها الاجابة على الاسئلة اياها
ومعاها بقى اسئلة تانية اذا كنت عايز تعرف اكتر فى الدين
واذا كنت عايز تعلن انضمامك للمسيحية
انا بأخد المجلة واقولهم انا مقتنعة بالدين بتاعى
وشكرا
بقفل وانا قمة فى الغيظ
من اسلوبهم
بتغاظ من نفس الكلام اللى بيتكرر كل مرة بيجوا فيها
بتغاظ من اصرارهم دول بقالهم سنتين ونص بيجولنا كل شهر 3 مرات تقريبا
وكل مرة اتنين غير بعض
وكل مرة بقولهم نفس الكلام
بتغاظ من اننا مش بنعمل زيهم
بتغاظ من انهم بينقوا الاجانب ويرحولهم
بتغاظ من اتقانهم لشغلهم وان عندهم مجلات بلغات مختلفة
لدرجة ان النهاردة زوجى هو اللى فتح الباب ورد عليهم
وبعد ما مشيوا
زوجى قال احنا نكتب على الباب
ان الجماعة دول مش مرحب بيهم
وشوية اقولوا لا احنا نقول
الجماعة دول مش مرحب بيهم عشان احنا مقتنعين بديننا
يقوم زوجى يقول لا احنا نكهرب الجرس
بجد بقى
الجماعة دول بيعملوا شغلهم بجد
وبيدعو لدينهم بأتقان رهيب
مع ان احنا اللى مفروض نعمل كدا
الناس دول على قد ما غاظونى
على قد ما خلونى افكر
لية منعملش زيهم
لية منفهمش دينا كويس وندعو الناس لية
وتكون مهنة لينا يتبناها رجل اعمال من اللى بيشتروا عربيات من الذهب
وبيبنوا بيوت 40 اوضة
اهو يشغل الشباب خريجى الجامعات فى حاجة مفيدة
ويأخد هو وهم اجر عظيم
لية منطلعش مجلات بكل اللغات
ونعرف الناس كلها دينا بيدعو لاية
نعرفهم معنى التسامح
نعرفهم قيمة إلمرأة وحقها اللى ايدهولها ربنا
نعرفهم معنى السلام
نعرفهم الراحة النفسية والرضا والنظام
نعلمهم الاخلاق السليمة
نعرفهم ان للكون خالق
واحد احد
ديننا بسم الله مشاء الله
معروف للعالم كلوا انة دين تسامح وسلام
وواخدين عنوا فكرة جميلة اوى
:(
حتى المسلمين نفسهم عارفين دينهم كويس جدا
والعالم العربى عالم منظم وراقى ومبدع وفى علماء كتير
ودولنا نظيفة والناس بتبتسم فى وشوش بعض والدول العربية بتحترم بعض
وكل مسلم محافظ على عباداته
:(
بجد الموضوع كبير جدا جدا
ويتقال فية كلام كتير
وعايزة اسمع رأيكم
لا مش النهاردة دا على طول
هو انا مش بتغاظ منهم عشان هم مسيحيين
ولا عشان هم بيدعو لدينهم لا ابدا انا بحترم دا جدا
انا بتغاظ من كترهم ومن انهم على طول بيجولنا تقريبا كل اسبوع مرة
وعلشان اسلوبهم واحد
هقولكم من الاول وانتوا احكموا
انا قاعدة فى البيت وفى حالى والاقى جرس الباب بيرن وحد بيتكلم كلام كتير باليابانى برة
انا ارد بالكلمة الوحيدة اللى عارفاة باليابانى بتتقال فى الوقت دا
وهى هااااااااى
يعنى نعم بالعربى
هتستغبروا لما تعرفوا ان اييييييييياه بكسر الالف الاولنية يعنى لا
:)
نرجع للموضوع عشان كدا هندخل فى درس عن اللغة اليابانية وانا معرفش غير الكلمتين دول
والبس طرحة وروح افتح الباب الاقى 2
بيبشروا للمسيحية
يبتدو يتكلموا ويقولوا
كونيتى وا
ودى تحية بعد الظهر
اقول بنفاذ صبر لانى خلاص عرفت من شكلهم هم مين
كونيتى وا
يقوم واحد منهم يقولى
بتتكلمى انجليزى
اقولوا
yes
يقولى
طيب اية هى لغتك او جنسيتك
اقولوا
لغتى العربى وجنسيتى مصرية
يقوم مطلع مجلة صغيرة مكتوب فيها بالعربىاقولوا
yes
يقولى
طيب اية هى لغتك او جنسيتك
اقولوا
لغتى العربى وجنسيتى مصرية
هل تريد ان يحل السلام فى العالم ؟
هل تريد ان تعرف ماذا سيحدث بعد الموت ؟
ماذا تعرف عن الخالق ؟
واسئلة من النوع دا بقى
اقولهم انا عارفة اجابة الاسئلة دى
يذبهلوا وكأنهم مش مصدقينى
وكأن محدش يعرفها غيرهم
يتجهلوا اللى انا قلتوا
ويطلعولى مجلة من اللى معاهم دى بس بالعربى ويدوهانى
يكون فيها الاجابة على الاسئلة اياها
ومعاها بقى اسئلة تانية اذا كنت عايز تعرف اكتر فى الدين
واذا كنت عايز تعلن انضمامك للمسيحية
انا بأخد المجلة واقولهم انا مقتنعة بالدين بتاعى
وشكرا
بقفل وانا قمة فى الغيظ
من اسلوبهم
بتغاظ من نفس الكلام اللى بيتكرر كل مرة بيجوا فيها
بتغاظ من اصرارهم دول بقالهم سنتين ونص بيجولنا كل شهر 3 مرات تقريبا
وكل مرة اتنين غير بعض
وكل مرة بقولهم نفس الكلام
بتغاظ من اننا مش بنعمل زيهم
بتغاظ من انهم بينقوا الاجانب ويرحولهم
بتغاظ من اتقانهم لشغلهم وان عندهم مجلات بلغات مختلفة
لدرجة ان النهاردة زوجى هو اللى فتح الباب ورد عليهم
وبعد ما مشيوا
زوجى قال احنا نكتب على الباب
ان الجماعة دول مش مرحب بيهم
وشوية اقولوا لا احنا نقول
الجماعة دول مش مرحب بيهم عشان احنا مقتنعين بديننا
يقوم زوجى يقول لا احنا نكهرب الجرس
بجد بقى
الجماعة دول بيعملوا شغلهم بجد
وبيدعو لدينهم بأتقان رهيب
مع ان احنا اللى مفروض نعمل كدا
الناس دول على قد ما غاظونى
على قد ما خلونى افكر
لية منعملش زيهم
لية منفهمش دينا كويس وندعو الناس لية
وتكون مهنة لينا يتبناها رجل اعمال من اللى بيشتروا عربيات من الذهب
وبيبنوا بيوت 40 اوضة
اهو يشغل الشباب خريجى الجامعات فى حاجة مفيدة
ويأخد هو وهم اجر عظيم
لية منطلعش مجلات بكل اللغات
ونعرف الناس كلها دينا بيدعو لاية
نعرفهم معنى التسامح
نعرفهم قيمة إلمرأة وحقها اللى ايدهولها ربنا
نعرفهم معنى السلام
نعرفهم الراحة النفسية والرضا والنظام
نعلمهم الاخلاق السليمة
نعرفهم ان للكون خالق
واحد احد
ديننا بسم الله مشاء الله
معروف للعالم كلوا انة دين تسامح وسلام
وواخدين عنوا فكرة جميلة اوى
:(
حتى المسلمين نفسهم عارفين دينهم كويس جدا
والعالم العربى عالم منظم وراقى ومبدع وفى علماء كتير
ودولنا نظيفة والناس بتبتسم فى وشوش بعض والدول العربية بتحترم بعض
وكل مسلم محافظ على عباداته
:(
بجد الموضوع كبير جدا جدا
ويتقال فية كلام كتير
وعايزة اسمع رأيكم
16 التعليقات:
السلام عليكم يا ست نونو
بصي بقى طبعا موضوعك جامد جدا وكل كلامك صائب جدا
لكن تعرفي لو مسلمين خبطوا على البيوت للدعوة للإسلام زي اليابانيين دول
هيتقبض عليهم وهيتفضحوا فضيحة عالمية
وطبعا هيتقال بصوا المسلمين الارهابيين عايزين يبعدونا عن ديننا وكلام كبير قوي
لكن طبعا لا بأس من الوسائل الإعلامية الأخرى زي ما عمل الشيخ الجليل عليه رحمة الله الداعية الإسلامي العظيم أحمد ديدات
موضوعك رائع يا نونو
عرفتيني حاجه ماكنتش أعرفها
هكذا السفر فيه دائما فوائد وخبرات
على فكرة عجبتني فكرة جوزك قوي انكم تكهربوا الجرس بس يا ريت تحطوا على الباب وش أصفر من السمايليز بتاعة الكومبيوتر بس حجمه كبير بيطلع لسانه ولا يظهر إلا وقت لما يتكهربوا علشان يغيظهم زي مانا متغاظه منهم دلوقتي
على فكرة صدقينى انا بحترم الناس دى جدا ومش بيغظنى غير اصرارهم
وعلى فكرة لا خالص لو المسلمين عملو كدا مش هيتقال عليهم حاجة
لان دا بيعتبر شغل وبأوراق رسمية وبيأخدو علية مرتب
والناس برة صدقينى بتحترم دا جدا ومش كل البلاد بيتقول علينا ارهابين
وعلى فكرة الدعوة للمسيحية حاليا فى مصر وبنفس الطريقة وطبعا مش يابانين اللى بيدعو اكيد مصريين
وبينتشروا فى كل دول العالم وبيزيد عددهم واللغات اللى بيتكلموا بيها
وعدد المجلات المترجمة
والكنيسة هى اللى بتتبنى دا وزى ماقولتلك بأوراق رسمية
مش تتغاظى هم بيعملوا شغلهم
احنا بتغاظ عشان احنا اللى مقصريين
نورتينى
بوست جميل جدا
وكلامك كله صح وعندك حق تحسي بالغيرة على الاسلام وتتمنى نكون كدا وندعو للاسلام بنفس الحماس والطريقة المنظمة دى بس فعلا كمان المصرية مسلمة لله عندها حق في اننا كمسلمين لو خبطنا على االناس في بيوتها هايقولو ان المسلمين بيمارسو عليهم الارهاب حتى في بيوتهم وانهم عاوزين يدخلوهم في الاسلام غصب عنهم
يابنتى احنا كمسلمين مستهدفين واى تصرف مننا بيتاخد على انه ارهاب وعداوة.
ربنا ينصر الاسلام والمسلمين يارب
بالنوسبة للبوست عندك حق و دي فرصة برضه انك تتكلمي على الاسلام مع الناس دي ولو انهم بيبقو مسيحين متعصبين وصعب تغييرهم بس بيبقى في امل برضه
اما بالنوسبة ل مين ده اللي يرضى بغربته الغربة مش مكان يعني انا حاليا في بلدي وحاسة بالغربة
ربنا يهون عليكم احساسكم بالغربة يارب
بس تأكدي لو رجعتي هتحسي بالغربة زي ناس كتير
زوجى بيسافر كتير لدول أجنبيه
وغالبا بيتكعبل فى الناس دى فى كل حته وكل مره يحكيلى أتغاظ
لأن أكيد فى حد بيقتنع بكلامهم
وفى مره جوزى حكالى عن واحد مسلم بالوراثه إتعرف عليه فى فرنسا
الواحد ده حب إنه يتوب وأول حاجه قال أقرأ القرأن .. دخل عليه جوزى المكتب لقاه بيقرأ فى الإنجيل
إستغرب جدا ومقدرش يسكت وقاله مش إنت مسلم برضو .. رد الراجل باستغراب وقاله أيوه
أما بتقرا فى الإنجيل ليه قاله أنا معرفش شكل المصحف وكنت عايز أقرأ قرأن .. سألت فى مكتبه على نسخه من القرأن فدولى دى
تخيلى وصلت لدرجة ايه الراجل عايز مصحف ومشلاقى
تحياتى ليكى سعيده جدا انى وصلت لمدونتك الجميله
ريم
صدقينى لا زى ما قلت لمصرية
هنا كل حاجة عندهم بقوانين وورق ومادام انتى ملتزمة بيها خلاص مفيش مشكلة
بس اللى بيحصل ان المسلمين مش بيلتزموا فعلا بقوانين الدول دى وبيتعاملوا معاها زى ما بيتعاملوا فى بلدنا
عشان كدا هم بيأخدوا فكرة سيئة عننا
زى الفرق بين انهم مش بيرمو قمامة فى الارض والشوارع على طول نظيفة يجى حد محترم عربى يرمى ورقة فى الارض وتكون زوجتة لبسة حجاب جنبة فى العربية يقوم هم يأخدو فكرة ان المسلمين دول مش بيحترموا النظافة ومش بيحافظوا على نظافة بلدهم ولا بلاد غيرهم وخدى من دا امثلة كتير
لكن لو فعلا عايزن ندعو للاسلام مفيش حاجة هتمنعنا ودا مسموح بية مادام ملتزمين بالقانون
نورتينى وسعيدة بجد بمتابعتك
ليدى نورت مدونتى المتواضعة
اهلا بيكى يا قمر
على فكرة اليابانين مش مسيحين
ومش متعصبين ولا حاجة هم اصلا عندهم ديانات غريبة فلما تقوليلهم ان فى دين حق فعلا بيسمعوكى وفى احتمال كبير انهم يأخدو الموضوع بجدية لو احنا اخدناه بجدية
بولنسبة بقى للغربة
انا معاكى ان غربة النفس اصعب من غربة الوطن بس مادام الواحد حاسس انه مفتقد اهلة يبقى اكيد هيحس بأمان فى وسطهم ومش هيشعر بغربة النفس وبينى وبينك الغربة عامة كلمة اتمنى انها تتلغى من القواميس لانها بكل معانيها مؤلمة جدا
نورتيننننننننننى جدا
ايمااااااااااان
انتى اتكلمتى فى الموضوع على طول
فعلا مفيش اى امكانيات تساعد الاسلام على الانشتار برة حتى المسلمين نفسهم اللى من جنسيات تانية بيتلخبطو ولسة عايزين يعرفوا اكتر عن الاسلام ومش بيلاقوا مصدر
ولو تصدقى ممكن حد يكون لسة مسلم جديد يشوف تعاملات المسلمين العرب وطبعا هم مسلمين اخلاقيا اكتر مننا ومش ناقصهم غير انهم يعلنوا اسلامهم و يعرفوا الاسلام
واول ما يسلموا ويشوفوا العرب وتعاملتهم ممكن يرتدو للمسيحية لان الناس بتتعامل معاهم بالاخلاق اللى اتعودوا عليها اللى هى اصلا اخلاق الاسلام واحنا اللى محتاجين نعرفها ونلتزم بيها قبل ما نفكر ندعو حد للاسلام
المشكلة حيقيقى كبيرة لو فكرنا اننا نعمل حاجة زى كدا هل هننجح هل هينفع
هل عندنا ناس فعلا لسة عندها اخلاق وتعرف كويس فى دينها بدون تزمت او بدون تسيب
اسعدنى تعليقك لانة فعلا بيعرض مثال من الواقع لمشكلة كبيرة ملموسة كدا للناس اللى بتتغرب
انا قرأت فعلا عن موضوع الديانات الغريبة في اليابان والهند ودرست اديان كتير منها السماوية وغير السماوية
ربنا يعينكم ويهون غربتكم
الديانات السماوية معروفة شوية يا ليدى ولكن الغريب فعلا هى الديانات الغير سماوية او اللى معتقداتها بجد غريبة
هبقى احكيلك عن شوية حاجات كدا قابلتنى
ادهشتنى جدا وخلتنى اقول مرارا وتكرارا الحمد لله على نعمة الاسلام
نورتينننننننى
ماشاء الله لفته جميله جدا
وفعلا مش عارف ليه مبقاش فيه دعوه خالص.. ده يعني اللي بينصح حد باي حاجه مهما كانت الواحد بيحس ان الشخص ده عمل حاجه غريبه ونادره جدا..
بالضبط يا عمك ياض
ننصح بعض الاول نعرف بعض اساسيات دينا
نتعلم عشان نقدر ندعو صح
ولما نعمل دا احساسنا هيكون طبيعى احساس مميز يستحق التعب عشان نحس بية
نورتنى
أولا : ربنا يرجعك بالسلامة
ثانيا : ربنا يكون في عونك ويقوي ايمانك ،، وخللي بالك من نفسك ،، وياريت تقدمي لنا بوست فيه نصائح ازاي نكون زيهم من وجهة نظرك ..
تحياتي
بسم الله الرحمن الرحيم
لفته جميله منك لموضوع فى غاية الاهميه
اعتقد ان معظم من يعيشون فى البلاد العربيه لم يتعودوا على حرية الرأى والتعبير،ولذلك لن يقتنعوا بان اليابان لا تتعامل مع الدعوه للاسلام كما لو كانت دعوه للارهاب؛وذلك لسبب بسيط وهوانهم لم يعيشوا فى المجتمع اليابانى من قبل.
وقد كانت مشكله بالنسبه لى ايضا عندما كانوا يطرقون بابى ليدعوننى للدخول للمسيحيه،ولكننى طبعت بعض المقالات من الانترنت عن الدين الاسلامى باللغة اليابانيه واعطيتها لهم .
وقد كانت فكره صائبه لاننى لم اراهم بعد ذلك على الاطلاق.(^^)
سامح
سبحان الله
انا فعلا سمعت عن الطريقة دى الظاهر انها ظاهرة عالمية
المشكلة انها فعلا محتاجة تمويل ومتطوعين وبره مصر لان جوه مصر اللى يكتشفوا انه كان سبب فى اسلام شخص واحد حتى، يبقى انسى.. فعلا عدم أمن الدولة
ماشاء الله عليكي
جميلة جداً و أفكارك معروضة ببساطة جداً و تخلي الواحد يفهم اللي انتي عايزه تقوليه على طول
ربنا يكرمك بجد
و الموضوع ده مهم جداً و فعلاً يحزن الواحد على حالنا دلوقتي
احنا بجد عندنا شباب ماشاء الله عليهم كويسين جداً و أول مبيلاقوا طريق يعملوا فيه خير مبيتأخروش ... بس للاسف الفرص دي قليلة .
بتشوفي برنامج أحمد الشقيري (خواطر 5 ) ال عن اليابان ؟ يا ترى الكلام اللي فيه ده بجد و لا فيه مبالغة ؟
ربنا يباركلك و ماشاء الله مدونتك جميلة أوي و صورك كمان أجمل
إرسال تعليق